Xhuliano Skuka ka qenë protagonisti i fitores 2-0 të Shqipërisë ndaj Armenisë, teksa në ndeshjen e tij të parë para tifozëve kuqezi, ai ia ka dalë të shënojë edhe golin e tij të parë me këtë fanellë. Një gol të cilin ai e festoi me shokët, por edhe duke puthur stemën në fanellë.
Një mesazh i qartë i asaj që ishte gati të bënte për ngjyrat kuqezi e shpresonte ta bënte edhe në të ardhmen. Një mesazh që e bëri të qartë edhe me postimin tij në rrjetet sociale pas sfidës.
“Ti Shqipëri më jep nder, më jep emrin shqiptar. Jam me fat që arrita të luaja dhe të plotësoj dëshirën që e kisha në atë anë ku mbaja stemën më të bukur, atë kuqezi. Në zemrën time, ne gjakun tim buron gjaku i të qenurit besnik ndaj tifozërisë më të bukur dhe besnik i plotësimit të synimeve. Faleminderit Zot. Faleminderit ju që më besuat dhe keni qenë pranë meje gjithmonë, është vetëm fillimi”, shkruante Skuka në postimin e tij./ PANORAMASPORT.AL
